Fréttir

Meðal samþykkta Frjálsíþróttaþings um sl helgi var eftirfarandi ályktun: "54. þing FRÍ.... fagnar stórhug Skagfirðinga og þakkar stuðning við frjálsar íþróttir. Bygging frjálsíþróttavallar á Sauðárkróki er lyftistöng fyrir traust uppbyggingarstarf í frjálsum íþróttum í Skagafirði."

Gunnar Þórðarson og Páll Hjálmarsson tryggðu sér í gær héraðsmeistaratitilinn í bridge en síðustu fjórar umferðirnar voru spilaðar þá.

Í gærkvöldi var aðalfundur Smára haldinn á Löngumýri. Breytingar urðu í stjórn og nýr formaður Guðmundur Þór Guðmundsson tók við af Kristínu Jóhannesdóttur sem verið hefur formaður undanfarin ár.

Í herbúðum UMSS er undirbúningur fyrir landsmótin á mikilli siglingu. Landsmótsnefnd UMSS var sett á laggirnar fyrir jól og hefur haldið 3 fundi. Fulltrúar í henni eru frá öllum aðildarfélögum innan UMSS auk tveggja stjórnarmanna UMSS. Vinna nefndarinnar felst helst í því að hvetja sitt fólk til þátttöku og vinnu á báðum landsmótunum í sumar.

Vel heppnað ársþing UMSS var haldið í Melsgili í kvöld kl 20 í boði Íþróttafélagsins Grósku. Á þinginu var Haraldur Þór Jóhannsson endurkjörinn formaður og tveir aðrir í stjórn voru kosnir Steinunn Hjartardóttir og Margrét Stefánsdóttir. Margrét kemur ný inn í stjórnina. Fyrir sitja Guðmundur Þór Guðmundsson og Hjalti Þórðarson

UMSS fékk í dag styrk úr verkefna- og fræðslusjóði UMFÍ. UMSS óskaði eftir styrk úr verkefnasjóði að upphæð kr. 150.000.- til að taka saman öll merki aðildarfélaga UMSS og koma þeim á tölvutækt form. Hugmyndin er að gefa úr bækling með merkjum félagana og helstu upplýsingum um þau og dreifa honum til landsmótsgesta. Samþykkt að veita 100.000 kr.

84. Ársþing UMSS - 27.febrúar 2004

Aðalfundur Neista var haldin í gærkvöldi. Litlar breytingar voru gerðar á stjórn félagsins en Kristján Jónsson verður áfram formaður eins og sl tvö ár. Ný inn í stjórn í stað Auðar Birgisdóttur kemur Ingibjörg Halldórsdóttir. Aðrir í stjórn eru Anna Freyja Vilhjálmsdóttir, Jóhann Sigmarsson og Hjalti Þórðarson.

Kári Steinn Karlsson varð fyrstur keppenda UMSS til að setja íslandsmet á árinu en hann hljóp í gær 3000 m á 8.57.11 mín í Pallas Spelen í Malmö. Kári sló þar með eigið Íslandsmet í drengjaflokki, 9.19.57 mín, en það setti hann í Stokkhólmi 1. mars 2003.

Sunna Gestsdóttir frjálsíþróttakona úr Tindastóli var í dag útnefnd íþróttamaður Skagafjarðar árið 2003. Á árinu stóð Sunna sig einstaklega vel, setti íslandsmet í langstökki utanhúss 6,30 m, íslandsmet í langstökki innanhúss 6,28 m og íslandsmet í 200 m hlaupi innanhúss 24,30 sek.