Fréttir

Nú um helgina stendur yfir á Laugarvatni Meistaramót Íslands í flokkum 15-22 ára.

Eftir samfellda sigurgöngu til margra ára kom að því að lið UMSS sigraði ekki í Bikarmóti Norðurlands í hestaíþróttum. Þrátt fyrir marga góða spretti varð lið UMSS að játa sig sigrað gegn öflugri sveit ÍBA.

Skagfirðingar stóðu sig mjög vel um helgina og unnu sjö titla á Meistaramóti Íslands 12-14 ára.

Ekki er hægt að segja annað en að Unglingalandsmót UMFÍ hafi tekist eins og best verður á kosið. Fjöldi keppenda skráðir til leiks var tæplega 1300 og einstaklega mikil fjöldi í sumum greinum s.s knattspyrnu og frjálsum. Þetta er því stærsta Unglingalandsmót sem haldið hefur frá upphafi og er svo sannarlega komið til að vera um Verslunarmannahelgi.

Bikarkeppni FRÍ lauk í dag og hefur keppni ekki verið eins jöfn og tvísýn í mörg ár og réðust úrslit ekki fyrr en í síðustu grein. FH sigraði í kvennaflokki en UMSS í karlaflokki. Kvennalið UMSS endaði 3. sæti. Hinsvegar náðu FH-ingar í fleiri stig samanlagt og eru því bikarmeistarar. Munaði þar aðeins hálfu stigi svo munurinn gat ekki verið minni.

Ágætis árangrar náðust og nokkrar persónulegar bætingar lítu dagsins ljós, þrátt fyrir að Bikarmótið snúist að lang mestu leyti um stigakeppnina sjálfa milli liðanna

Misjafnt er hve mikið helstu vefmiðlar landsins lögðu sig eftir að fá fréttir frá Unglingalandsmótinu. Inn á mbl.is er aðeins að finna eina frétt enda að þeirra mati sjálfsagt ekkert sem hefur verið að gerast um helgina góðu, þ.e. engar limlestingar, eiturlyfjamál eða annað sem helst fréttnæmt þykir.

Þó ekki sé um stigakeppni að ræða á Unglingalandsmótinu er gaman að telja saman sigurvegara eftir samböndum og félögum sem sendu þátttakendur til mótsins

Haraldur Þór Jóhannsson formaður Ungmennasambands Skagafjarðar var í gærkvöldi sæmdur gullmerki UMFÍ fyrir óeigingjörn störf í þágu hreyfingarinnar og frammúrskarandi starf við Landsmót og Unglingalandsmót UMFÍ.

Keppendur UMSS voru mjög áberandi á Unglingalandsmótinu. Mest var þátttaka þeirra í frjálsum og knattspyrnu og sem dæmi kepptu 14 knattspyrnulið undir merkjum UMSS. Árangurinn lét heldur ekki á sér standa og sigur vannst í mörgum greinum. Fremst meðal jafningja var hin stórefnilega frjálsíþróttakona Elva Friðjónsdóttir sem vann 4 einstaklingsgreinar.