Fréttir

Fræðsludagur UMSS 2024 verður haldinn í Hús frítímans þann 7. nóvember og hefst hann kl. 17:30.

Málþing um hreyfingu 60 ára og eldri. Þann 19. nóvember næstkomandi verður haldið málþing um hreyfingu 60 ára og eldri, sem ætlað er fagaðilum á landinu er koma að stjórnun, þjálfun og heilsueflingu eldra fólks. Yfirskrift málþingsins er Hreyfing 60+

SYNDUM! Landsátak í sundi 1. - 30. nóvember.

Þann 14. nóvember næstkomandi heldur Íþrótta- og Ólympíusamband Íslands fjármálaráðstefnu ÍSÍ. Ráðstefnan verður haldin á Hilton Reykjavík Nordica hótel og stendur yfir á milli kl.16.00 og 18.30.

Landsþing Landssambands hestamannafélaga haldið dagana 25. og 26. október sl. í Borgarnesi þar sem kona, Linda Björk Gunnlaugsdóttir var kjörin formaður LH í fyrsta sinn. Á þinginu voru einnig veitt gullmerki LH. Tveir félagsmenn Skagfirðings voru meðal þeirra átta sem fengu merkið í ár en það voru þau Jónína Stefánsdóttir og Guðmundur Sveinsson.

Mánudaginn 28. október kl.12.30-14.00 halda Samtökin '78 kynningu á fræðsluefni undir yfirskriftinni Hinsegin börn og ungmenni í íþrótta-, tómstunda- og æskulýðsstarfi. Kynningin verður haldin í Íþróttamiðstöðinni Engjavegi 6, í sal B og C á 3. hæð.

Þann 2. október er Alþjóðlegi Göngum í skólann - dagurinn, en sá dagur á rætur að rekja til tíunda áratugarins þegar vitundarvakning varð erlendis um göngufær samfélög, bæði í Bretlandi og Bandaríkjunum. Hefðin er að halda ávallt uppá daginn á fyrsta miðvikudegi októbermánaðar og er dagurinn haldinn hátíðlegur í meira en 40 löndum. Ganga þá þúsundir nemenda í skólum um allan heim út á götur og taka þátt í ýmsum viðburðum tengdum deginum.

Allir með leikarnir er sannkölluð Íþróttaveisla í Laugardalnum fyrir börn á grunnskólaaldri. Leikarnir eru hluti af verkefninu Allir með, með það að markmiði að fjölga tækifærum fatlaðra barna til íþróttaiðkunar.

FÉLAGSMÁL OG FUNDARSKÖP, hagnýtar upplýsingar um fundi, hlutverk og ábyrgð stjórnarfólks, framkoma og ræðumennska

Göngum í skólann og Ólympíuhlaup ÍSÍ 2024 verða sett á Norðurlandi 4. og 5. september.