Unglingalandsmót UMFÍ

Helgina 4-7 ágúst verður Unglingalandsmót UMFÍ haldið að Laugum í Reykjadal.  Stefnt er að því að fjölmenna á mótið og munu skráningar hefjast á næstu dögum.  Skráningargjald er kr.5500.- Stjórn UMSS ákvað á fundi sínum í gær að greiða niður hluta skráningargjalds.  Verður hver keppandi sem skráir sig hjá UMSS styrktur um kr. 2500.-  Skráningar fara fram hjá Halla á Víðigrund 5 og verða tímasetningar kynntar síðar.