UMF Tindastóll - Körfuknattleiksdeild

Linda Þórdís B. Róbertsdóttir (mið) og Bríet Lilja Sigurðardóttir (hægri) ásamt Dagbjörtu Dögg Karlsdóttir (vinstri) frá Reykjum í Hrútafirði. Mynd: Feykir.is

Nú er nýafstaðið Norðurlandamót yngri landsliða í körfuknattleik. UMF Tindsstóll átti sína fulltrúa í U18 landsliði stúlkna en það eru þær  Linda Þórdís B. Róbertsdóttir og Bríet Lilja Sigurðardóttir.

Stúlknalandsliðið byrjaði vel á mótinu með tvo örugga sigra á landsliðum Dana og Noregs. Heldur seig á ógæfuhliðina hjá stúlkunum í seinni hluta mótsins en þær töpuðu síðustu þremur leikjunum en stóðu þó nokkuð vel í liðunum, þá sérstaklega í lokaleiknum á móti sigurvegurum mótsins, Finnum en sá leikur fór 71-77. Þær hlutu bronsið fyrir frammistöðu sína á mótinu en í öðru sæti var landslið Svía.

Linda Þórdís lék að meðaltali 8,08 mínútur og skoraði 0,4 stig í leik og tók 3,2 fráköst.
Bríet Lilja spilaði 7,48 mínútur í leik en hún skoraði 1,2 stig að meðaltali og greip 1,4 fráköst.

Heimild: Feykir.is