UMF Tindastóll - Knattspyrnudeild

Í morgun hófst Landsbankamótið í knattspyrnu á Sauðárkróksvelli en þar eigast við stúlkur í 6. flokki víða að af landinu. Góð stemning er á mótinu og þrátt fyrir að sólin hafi verið sparsöm á geisla sína hefur veðrið leikið við knattspyrnuhetjurnar; hitinn slagað í 20 gráðurnar og smá sunnangola.

Í dag var haldið mót innan mótsins, svokallað systkinamót fyrir krakka á aldrinum 3-5 ára. Síðan er kvöldvaka í íþróttahúsinu á Króknum í kvöld og þangað mæta meðal annars Úlfur Úlfur og koma örugglega öllum í stuð. Mótið heldur síðan áfram í fyrramálið og því ætti að ljúka um miðjan dag.

Heimild: Feykir.is