Þóranna Ósk Sigurjónsdóttir íþróttamaður Skagafjarðar 2018

Þóranna Ósk Sigurjónsdóttir - Íþróttamaður Skagafjarðar 2018

Mynd: Páll Friðriksson

Íþróttamaður, lið og þjálfari ársins voru valin við hátíðlega athöfn í Ljósheimum í gærkveldi.

Athöfnin hófst með að Hvatningarverðlaun UMSS voru afhent ungu og efnilegu íþróttafólki í Skagafirði, fimmtán iðkendur á aldrinum 12-17 ára voru veittar viðurkenningar. Síðan voru veitt Hvatningarverðlaun til 10.fl.kvk. í körfubolta fyrir veturinn 2017-2018, Alexöndru Ósk Guðjónsdóttir, Benedikt Kára Gröndal og Einar Örn Hreinsson fyrir þjálfun.

Frjálsíþróttaráð UMSS kynnti þeirra val á Frjálsíþróttakarli og Frjálsíþróttakonu UMSS 2018.

Jóhann Björn Sigurbjörnsson  Frjálsíþróttakarl UMSS.

Þóranna Ósk Sigurjónsdóttir  Fjálsíþróttakona UMSS.

Ungmennafélagið Tindastóll tilkynnti þeirra val til Íþróttamanns Tindastóls, tilnefndir voru; Jóhann Björn Sigurbjörnsson frjálsar, Jón Gísli Eyland Gíslason fótbolti, Klara Sigurðardóttir sund, Pétur Rúnar Birgisson körfubolti og Þorgrímur Svavar Runólfsson.

Pétur Rúnar Birgisson var valin Íþróttamaður Tindastóls 2018.

Lið ársins 2018 UMSS voru kynnt, Krækjur - Ungmennafélagið Hjalti, karlalið körfuknattleiksdeildar Ungmennafélags Tindastóls, kvennalið knattspyrnudeildar Ungmennafélags Tindastóls og Telpnasveit Golfklúbbs Sauðárkróks.

Kvennalið knattspyrnudeildar Ungmennafélags Tindastóls var valið lið ársins 2018.

Tilnefndir þjálfarar árins 2018; Guðni Þór Einarsson knattspyrna, Israel Martin körfubolti og Sigurður Arnar Björnsson frjálsar.

Sigurður Arnar Björnsson var valin þjálfari ársins 2018.

Að lokum var komið að því að tilkynna íþróttamann ársins. Tilnefndir voru; Arnar Geir Hjartarson golf, Jón Gísli Eyland Gíslason fótbolti, María Finnbogadóttir skíði, Pétur Rúnar Birgisson körfubolti, Sina Scholz hestar og Þóranna Ósk Sigurjónsdóttir frjálsar.

Þóranna Ósk Sigurjónsdóttir var valin íþróttamaður Skagafjarðar 2018.                                                                                                                       

Til hamingju allir með frábæran árangur á árinu.

Myndir: Páll Friðriksson