Landsmótið 2018 á Sauðárkróki dagana 12.-15.júlí

Sigurður Ingi Ragnarsson

„Ég er búinn að skrá mig í götuhjólreiðar, bogfimi og götuhlaup á Landsmótinu. En svo ætla ég í sjósund því ég hef ekki prófað það áður. Mig langar líka til að prófa biathlon,“ segir Skagfirðingurinn Sigurður Ingi Ragnarsson. Sigurður er sérstaklega spenntur fyrir hjólreiðunum enda í hjólreiðaklúbbi sem stofnaður var á Sauðárkróki fyrir rúmum mánuði ásamt 25-30 öðrum.

Klúbburinn er ætlaður fólki sem bæði stundar götuhjólreiðar og fjallahjólreiðar. Klúbbfélagar hjóla saman einu sinni í viku og er mætingin þokkaleg í hverja ferð. Þeir sem stunda götuhjólreiðar eru duglegri að mæta en hinir, að sögn Sigurðar Inga. Hann stundar hreyfingu af krafti, fer út alla daga vikunnar og reiknast til að hann hjóli, hlaupi og syndi um 8-9 tíma á viku.

Meira hér.