Hjólað í skólann

FNV var í þriðja sæti í sínum flokki í Hjólað í skólann.

Átakið „Hjólað í skólann“ var haldið í þriðja sinn í ár dagana 9.-22. september. Fjölbrautaskóli Norðurlands vestra hafnaði í þriðja sæti í flokki 400-999 nemenda og starfsmanna en alls tóku 19 framhaldsskólar þátt í ár, en það er sami fjöldi og árið 2014.

Samkvæmt fréttatilkynningu voru þátttakendur alls 481, hjólaðir voru 55.311 km eða 41,31 hringir í kringum Ísland. Ferðamáti þátttakenda skiptist svona: strætó/hjólað 61,3%, hjólað 20,8%, strætó/gengið 8,9%, ganga 7,0%, hlaup 1,9%, annað 0,1% og línuskautar 0%.

Markmið verkefnisins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta meðal nemenda og starfsmanna framhaldsskólanna.

Þrír efstu skólarnir í hverjum flokki fá á næstu dögum senda til sín verðlaunaplatta fyrir árangur sinn í verkefninu. 

Úrslit Hjólum í skólann í hverjum flokki fyrir sig voru:

0 – 399 nemendur og starfsmenn

Sæti     Skóli                                                       Þátttökudagar

1. sæti  Verkmenntaskóli Austurlands                0,235

2. sæti  Framhaldsskól Austur-Skaftafellssýslu  0,209

3. sæti  Menntaskólinn á Ísafirði                         0,079

*Alls voru 4 skólar skráðir til leiks í þessum flokki

400 – 999 nemendur og starfsmenn

Sæti     Skóli                                                     Þátttökudagar

1. sæti  Framhaldsskólinn í Mosfellsbæ           0,293

2. sæti  Fjölbrautaskóli Vesturlands Akranesi  0,231

3. sæti  Fjölbrautaskóli Norðurlands vestra      0,124

*Alls voru 7 skólar skráðir til leiks í þessum flokki

1000 o.fl. nemendur og starfsmenn

Sæti     Skóli                                           Þátttökudagar

1. sæti  Fjölbrautaskólinn við Ármúla    0,385

2. sæti  Verkmenntaskólinn á Akureyri  0,367

3. sæti  Fjölbrautaskóli Suðurlands        0,117

*Alls voru 8 skólar skráðir til leiks í þessum flokki

„Íþrótta- og Ólympíusamband Íslands þakkar þátttakendum fyrir þátttökuna og hvetur þá til að halda áfram að notast við virkan ferðamáta til og frá skóla/vinnu,“ segir loks í fréttatilkynningu. 

Heimild: Feykir.is