Fréttir frá Íþrótta- og Ólympíusambandi Íslands

Íþrótta- og Ólympíusamband Íslands (ÍSÍ) vill að gefnu tilefni benda á  mikilvægi þess að við höldum áfram að sinna hreinlæti við íþróttaiðkun.

Skilaboðin eru:

• Þrífum áhöld
• Drekktu aðeins úr þínum brúsa
• Virðum mörk annarra
• Þvoum hendur
• Verum heima ef við erum veik

Á vef covid.is má sjá upplýsingar um hvernig forðast má smit. Þú getur varið þig og aðra gegn smiti með því að fylgja þessum ráðum:

• Þvoðu hendur þínar reglulega með vatni og sápu, minnst 20 sekúndur í hvert skipti.
• Ef vatn og sápa eru utan seilingar er gott að nota handspritt, til dæmis þegar þú hefur notað greiðslukort eða komið við fleti sem margir snerta, svo sem hurðarhúna. Á vef landlæknis eru góðar upplýsingar um hvernig gæta má varúðar gegn sýkingum hér.
• Ef þú þarft að hósta eða hnerra skaltu nota olnbogabótina eða einnota klúta. Þannig kemurðu í veg fyrir að úði fari á hendur. Gættu þess að hósta eða hnerra ekki á aðra.
• Takmarkaðu náin samskipti við annað fólk, t.d. handabönd og faðmlög. Finndu aðrar leiðir til þess að heilsa sem ekki fela í sér snertingu.
• Reyndu að bera ekki hendur upp að andlitinu, sérstaklega augum, nefi og munni.
• Þrífðu oftar fleti sem eru mikið notaðir og búnað sem margir nota.
• Forðastu að umgangast fólk sem er með einkenni sem minna á flensu.
• Gert hefur verið myndband sem útskýrir mikilvægi handþvottar sem hluta af sóttvörnum, lengri útgáfa og styttri útgáfa.
• Hér eru upplýsingar um kórónaveiruna á auðlesnu máli sem voru unnar af Landssamtökunum Þroskahjálp