Myndaniðurstaða fyrir varmahlíð

Starfskýrsluskil í Felix kerfi

Opnað hefur verið fyrir starfsskýrsluskil í Felixkerfi ÍSÍ

Íþróttafélög og Sérsambönd eru beðin að skila skýrslu fyrir 15 Apríl n.k

 

Alþjóðlegu Reykjavíkurleikanir 2014

Reykjavíkurleikarnir hefjast á föstudag
Alþjóðlegu Reykjavíkurleikarnir fara fram í sjöunda sinn dagana 17.-26.janúar næstkomandi. Það er Íþróttabandalag Reykjavíkur í samstarfi við sérsambönd ÍSÍ og íþróttafélögin í Reykjavík ásamt dyggum samstarfsaðilum sem standa að leikunum.
Keppt er í 20 íþróttagreinum á Reykjavíkurleikunum í ár en skíði hafa bæst við í hóp þeirra 19 íþróttagreina sem voru með í fyrra. Flestir mótshlutarnir fara fram í Laugardalnum og nágrenni hans. Keppnin skiptist niður á tvær mótshelgar en í vikunni milli keppnishelganna verður haldin áhugaverð ráðstefna um afreksþjálfun
Fyrri keppnishelgina sem hefst á föstudag verður keppt í taekwondo, sundi fatlaðra og ófatlaðra, skíðaíþróttum, kraftlyftingum, frjálsíþróttum, dansi og badminton.  Hér á heimasíðu leikanna má finna dagskrá: http://rig.is/schedule 
Á fimmta hundrað erlendra gesta koma á Alþjóðlegu Reykjavíkurleikunum í ár ásamt rúmlega 2.000 íslenskum íþróttamönnum. Margt af besta íþróttafólki okkar Íslendinga verður á meðal þátttakenda í keppninni um helgina. Má þar nefna frjálsíþróttakonuna og íþróttakonu Reykjavíkur Anítu Hinriksdóttur og Ólympíuverðlaunahafann Jón Margeir Sverrisson. Einnig eru margir mjög sterkir erlendir keppendur væntanlegir til landsins vegna leikanna í ýmsum greinum eins og t.d. heimsmeistarinn í kraftlyftingum, Kjell Egil Bakkelund og Lukas Krpalek núverandi Evrópumeistari í júdó.
Föstudaginn 17.janúar verður haldin opnunarhátíð í Bláfjöllum kl.16:00. Keppt verður á snjóbrettum og samhliða svigi á opnunarhátíðinni í tilefni þess að skíði eru nú í fyrsta sinn á meðal keppnisgreina á Reykjavíkurleikunum. 
Heimasíða leikanna er www.rig.is en þar má finna allar upplýsingar um íþróttagreinarnar sem keppt er í, dagskrá og fleira gagnlegt. Sérstök íslensk upplýsingasíða leikanna www.m.rig.is opnar innan skamms. Sex beinar útsendingar verða frá keppni leikanna á RÚV og 13 beinar vefútsendingar í samvinnu við SportTV. Sjá nánar hér.
 
 

Góður árangur á MÍ 15-22 í frjálsíþróttum 2014

 
Meistaramót Íslands í frjálsíþróttum, fyrir 15-22 ára, fór fram í Laugardalshöllinni í Reykjavík 11.-12. janúar.  Um 300 keppendur mættu til leiks frá 16 félögum og samböndum.
Á mótinu var keppt í fjórum aldursflokkum beggja kynja, 15, 16-17, 18-19 og 20-22 ára.
 
ÍR-ingar voru langfjölmennastir með 53 keppendur, FH með 28, Breiðablik 23, UFA 17 og UMSS 16, önnur lið með færri keppendur.
Í heildarstigakeppni mótsins sigruðu ÍR-ingar líka með yfirburðum, en lið UMSS varð í 5. sæti, og piltaliðið 18-19 ára varð í 3. sæti í sínum aldursflokki.
 
Skagfirðingar unnu einn Íslandsmeistaratitil, þegar Guðjón Ingimundarson sigraði í 60m grindahlaupi 20-22 ára.
 
Jóhann Björn Sigurbjörnsson, nýkrýndur ”Íþróttamaður Skagafjarðar”, stóð sig frábærlega, bætti sinn fyrri árangur bæði í 60m og 200m hlaupum, og setti enn eitt héraðsmetið í 200m hlaupi innanhúss.
 
 
 
Verðlaunahafar UMSS á MÍ 15-22 ára ih. 2014:
 
Guðjón Ingimundarson (20-22): Íslandsmeistari í 60m grindahlaupi.
 
Jóhann Björn Sigurbjörnsson (18-19): 2. sæti í 60m og 200m hlaupum.
 
Fríða Ísabel Friðriksdóttir (16-17): 2. sæti í 60m grindahlaupi og þrístökki.
 
Daníel Þórarinsson (20-22): 2. sæti í 200m og 3. sæti í 60m og 400m hlaupum.
 
Ísak Óli Traustason (18-19): 2. sæti í 60m grind. og 3. sæti í langstökki.
 
Vésteinn Karl Vésteinsson (15): 2. sæti í langstökki og 3. sæti í kúluvarpi
 
Brynjólfur Birkir Þrastarson (18-19): 2 sæti í þrístökki.
Sveinbjörn Óli Svavarsson (16-17): 3. sæti í 60m hlaupi.
 
heimild  tindastoll.is

Íþróttamaður UMSS 2013

Íþróttamaður UMSS var valinn Föstudaginn 27 Desember s.l

Jóhann Björn Sigurbjörnsson Frjálsíþróttakappi var valinn íþróttamaður UMSS 2013 og hlaut hann flest stig

Þeir sem voru í kjörinu voru eftirtaldir

Helgi Rafn Traustasson    Körfuknattleiksdeild UMFT

Bryndís Rún Haraldsdóttir  Knattspyrnudeild  UMFT

Sigurjón Þórðasson           Sunddeild UMFT

Birna Sigurðardóttir     Skíðadeild UMFT

Jóhann Björn Sigurbjörnsson  Frjálsíþróttadeild UMSS

Mette Camilla Moe Mannseth   Hestamannafélagið Svaði

Árný Lilja Árnadóttir    Golfklúbbur Sauðárkróks

 

Jólamót UMSS í Frjálsum 2013

Jólamót UMSS í frjálsum

verður haldið Miðvikudaginn 18 desember nk
Mótið verður haldið í Íþróttahúsinu Varmahlíð
Og hefst kl 16:30

Mótslok verða um kl 19:30
Reynt verður að halda tímaramma mótsins og getur mótsstjórn endað greinar ef þær dragast á langinn

Keppnisgreinar verða...
Kúla ( þyngdir miðað við aldursflokka FRÍ )
Hástökk án atr
Hástökk með atr
Langstökk án atr
Þrístökk án atr

Keppt verður í aldursflokkum 10 ára og eldri pilta og stúlkna/ Karla og kvenna

Skráning er á staðnum og í mótaforriti FRÍ

Byrjunarhæðir í hástökki er 0,85 cm og hækka um 5 cm við hverja umferð
Stokkið er fjórar umferðir í langstökkunum og í þrístökkunum

ATH okkur vantar starfsfólk á mótið ritara og mælingarfólk og óskum við eftir aðstoð við það

Umsjón með mótinu er hjá Frjálsíþróttaráði UMSS

Svanhildur og co í Hótel Varmahlíð býður uppá Kjúklingasúpu og möguleikan að horfa á mynd
Eftir mótið og kostar Súpann 1.500 kr á mann.
Við þurfum að láta hana vita í seinasta lagi á mánudag hvort af þessu verður og fjöldann. Hægt er að senda pantanir á netfangið frjalsar@tindastoll.is eða hafa samband við Svanhildi

Sigurjón Leifsson UMFT
Stefán Indriðasson Smári
Inga Jóna Sveinsdóttir Neisti

Syndicate content